ਅੰਮ੍ਰਿਤਸਰ ਥਾਣਾ ਏ ਡਵੀਜਨ ਪਰਸ ਖੋਹਣ ਵਾਲਾ ਮੁਲਜ਼ਮ ਗ੍ਰਿਫਤਾਰ, ਜਾਂਚ ਜਾਰੀ ਸ੍ਰੀ ਵਿਨੀਤ ਅਹਲਾਵਤ ਏਸੀਪੀ ਈਸਟ ਅੰਮ੍ਰਿਤਸਰ
ਅੰਮ੍ਰਿਤਸਰ, 11 ਜਨਵਰੀ 2025 (ਸੁਖਬੀਰ ਸਿੰਘ)
ਅੰਮ੍ਰਿਤਸਰ ਦੇ ਥਾਣਾ ਏ ਡਵੀਜਨ ਦੀ ਪੁਲਿਸ ਨੇ ਮਹਿਲਾ ਦਾ ਪਰਸ ਖੋਹਣ ਦੇ ਮਾਮਲੇ ਵਿੱਚ ਪਿਯੂਸ਼ ਉਰਫ ਰੋਹਿਤ (ਉਮਰ 25 ਸਾਲ), ਵਾਸੀ ਦਸਮੇਸ਼ ਨਗਰ, ਅੰਮ੍ਰਿਤਸਰ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਸ ਮਾਮਲੇ ਨੂੰ 07 ਜਨਵਰੀ 2025 ਨੂੰ ਦਰਜ ਕੀਤਾ ਗਿਆ ਸੀ, ਜਦ ਜੰਮੂ-ਕਸ਼ਮੀਰ ਦੀ ਰਹਿਣ ਵਾਲੀ ਰਾਫੀਆ ਨੇ ਦਰਖ਼ਾਸਤ ਦਿੱਤੀ ਕਿ ਉਸ ਦਾ ਪਰਸ ਰਾਮਬਾਗ ਚੌਕ ਨੇੜੇ ਐਕਟਿਵਾ ਸਵਾਰ ਵਿਅਕਤੀ ਨੇ ਖੋਹ ਲਿਆ।
ਪਰਸ ਵਿੱਚ ਮੌਜੂਦ ਸੀ ਕੀਮਤੀ ਸਮਾਨ:
ਮੁਲਜ਼ਮ ਨੇ ਖੋਹੇ ਪਰਸ ਵਿੱਚ ਇੱਕ ਲੱਖ ਦਸ ਹਜ਼ਾਰ ਰੁਪਏ ਨਕਦ, ਤਿੰਨ ਜੋੜੇ ਸੋਨੇ ਦੀਆਂ ਵਾਲੀਆਂ, ਤਿੰਨ ਸੋਨੇ ਦੀਆਂ ਮੁੰਦਰੀਆਂ, ਇੱਕ ਸੋਨੇ ਦੀ ਚੇਨ ਅਤੇ ਇੱਕ ਲੇਡੀਜ਼ ਘੜੀ ਸੀ।
ਪੁਲਿਸ ਕਾਰਵਾਈ:
ਮੁਕਦਮਾ ਦਰਜ ਹੋਣ ਮਗਰੋਂ, ਸ੍ਰੀ ਗੁਰਪ੍ਰੀਤ ਸਿੰਘ ਭੁਲਰ IPS, ਕਮਿਸ਼ਨਰ ਅੰਮ੍ਰਿਤਸਰ ਦੀ ਆਗਵਾਈ ਵਿੱਚ ਸ੍ਰੀ ਆਲਮ ਵਿਜੇ ਸਿੰਘ PPS, ਸ੍ਰੀ ਹਰਪਾਲ ਸਿੰਘ PPS ਅਤੇ ਸ੍ਰੀ ਵਿਨੀਤ ਅਹਲਾਵਤ IPS ਦੀ ਟੀਮ ਨੇ ਕਾਰਵਾਈ ਕੀਤੀ। ਇੰਨਸਪੈਕਟਰ ਬਲਜਿੰਦਰ ਸਿੰਘ ਦੀ ਟੀਮ ਨੇ ਪਿਯੂਸ਼ ਨੂੰ 09 ਜਨਵਰੀ 2025 ਨੂੰ ਗ੍ਰਿਫਤਾਰ ਕੀਤਾ।
ਪੁਰਾਣੇ ਮੁਕਦਮੇ:
ਜਾਂਚ ਦੌਰਾਨ ਇਹ ਸਮਝ ਆਇਆ ਕਿ ਮੁਲਜ਼ਮ ਪਿਛਲੇ ਰਿਕਾਰਡ ਵਾਲਾ ਹੈ। ਉਸ ਦੇ ਖ਼ਿਲਾਫ਼ ਪਹਿਲਾਂ ਵੀ ਦੋ ਮਾਮਲੇ ਦਰਜ ਹਨ:
•ਮੁਕਦਮਾ ਨੰਬਰ 60 (13 ਜੁਲਾਈ 2019), ਜੁਰਮ 379, 411, ਥਾਣਾ ਡੀ ਡਵੀਜਨ
•ਮੁਕਦਮਾ ਨੰਬਰ 251 (20 ਸਤੰਬਰ 2019), ਜੁਰਮ 379-ਬੀ, ਥਾਣਾ ਸਦਰ
ਅਦਾਲਤ ਦਾ ਰਿਮਾਂਡ:
ਮੁਲਜ਼ਮ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ, ਜਿੱਥੇ ਉਸ ਦਾ ਤਿੰਨ ਦਿਨ ਦਾ ਪੁਲਿਸ ਰਿਮਾਂਡ ਮਿਲਿਆ। ਜੇਵਰਾਤ ਅਤੇ ਨਕਦ ਬਰਾਮਦ ਕਰਨ ਲਈ ਅਗਲੀ ਜਾਂਚ ਜਾਰੀ ਹੈ।
ਪੁਲਿਸ ਦਾ ਬਿਆਨ:
ਥਾਣਾ ਇੰਚਾਰਜ ਦੇ ਬਿਆਨ ਅਨੁਸਾਰ, ਪਿਯੂਸ਼ ਤੋਂ ਕੀਤੀ ਜਾਂ ਰਹੀ ਪੁੱਛਗਿੱਛ ਨਾਲ ਕਈ ਹੋਰ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ। ਪੁਲਿਸ ਮਾਮਲੇ ਨੂੰ ਜਲਦ ਸਿਰੇ ਚੜ੍ਹਾਉਣ ਲਈ ਵਚਨਬੱਧ ਹੈ।
