ਵੂਮੇਨ ਆਫ ਅੰਮ੍ਰਿਤਸਰ ਵੱਲੋਂ 2025-26 ਲਈ ਨਵਾਂ ਦ੍ਰਿਸ਼ਟੀਕੋਣ ਪੇਸ਼, ‘ਟੀਲਾਥਨ’ ਨਾਲ ਕੈਂਸਰ ਜਾਗਰੂਕਤਾ ਮੁਹਿੰਮ ਦੀ ਸ਼ੁਰੂਆਤ

ਅੰਮ੍ਰਿਤਸਰ, 5 ਅਪ੍ਰੈਲ — ਸ਼ਹਿਰ ਦੀ ਪ੍ਰਮੁੱਖ ਮਹਿਲਾ ਸੰਗਠਨ ਫੁਲਕਾਰੀ – ਵੂਮੇਨ ਆਫ ਅੰਮ੍ਰਿਤਸਰ (WOA) ਵੱਲੋਂ ਸਰੋਵਰ ਪ੍ਰੀਮੀਅਰ, ਸਰਕਟ ਹਾਊਸ ਵਿਖੇ ਪ੍ਰੈਸ ਇੰਟਰੈਕਸ਼ਨ ਰਾਹੀਂ 2025-26 ਲਈ ਆਪਣਾ ਨਵਾਂ ਦ੍ਰਿਸ਼ਟੀਕੋਣ ਪੇਸ਼ ਕੀਤਾ ਗਿਆ। ਨਵ-ਚੁਣੀ ਪ੍ਰਧਾਨ ਮਿਨਾਕਸ਼ੀ ਖੰਨਾ ਦੀ ਅਗਵਾਈ ਹੇਠ ਟੀਮ ਨੇ ਔਰਤਾਂ ਦੇ ਸਸ਼ਕਤੀਕਰਨ, ਵਾਤਾਵਰਣ ਸੰਭਾਲ ਅਤੇ ਸਮਾਜਿਕ ਸੇਵਾ ਵੱਲ ਪੂਰੀ ਤਰ੍ਹਾਂ ਵਚਨਬੱਧਤਾ ਜਤਾਈ।

WOA ਵੱਲੋਂ ਟੀਲਾਥਨ 2025 ਦਾ ਐਲਾਨ ਕੀਤਾ ਗਿਆ, ਜੋ 13 ਅਪ੍ਰੈਲ ਨੂੰ ਸਰਵਾਈਕਲ ਕੈਂਸਰ ਬਾਰੇ ਜਾਗਰੂਕਤਾ ਵਧਾਉਣ ਲਈ ਦਸਹਿਰਾ ਗਰਾਊਂਡ ਤੋਂ ਆਯੋਜਿਤ ਹੋਵੇਗਾ।

ਜੂਨ ਵਿੱਚ ਇਕ ਈ-ਕੂੜਾ ਰੀਸਾਈਕਲਿੰਗ ਮੁਹਿੰਮ ਵੀ ਚਲਾਈ ਜਾਵੇਗੀ। ਸਮਾਰੋਹ ਵਿੱਚ ਗਵਰਨਿੰਗ ਬਾਡੀ, ਸਪਾਂਸਰ ਅਤੇ ਮੀਡੀਆ ਪ੍ਰਤੀਨਿਧੀ ਵੀ ਹਾਜ਼ਰ ਰਹੇ।