ਕਮਿਸ਼ਨਰੇਟ ਪੁਲਿਸ ਅੰਮ੍ਰਿਤਸਰ ਵੱਲੋਂ ਇਮਾਨਦਾਰੀ ਦੀ ਮਿਸਾਲ — ਗੁੰਮ ਹੋਏ ₹2.5 ਲੱਖ ਰੁਪਏ ਅਸਲ ਮਾਲਕ ਨੂੰ ਸੌਂਪੇ

ਅੰਮ੍ਰਿਤਸਰ 10 ਅਕਤੂਬਰ 2025 (ਅਭਿਨੰਦਨ ਸਿੰਘ)

ਕਮਿਸ਼ਨਰੇਟ ਪੁਲਿਸ ਅੰਮ੍ਰਿਤਸਰ ਦੇ ਥਾਣਾ ਰਣਜੀਤ ਐਵਨਿਊ ਵੱਲੋਂ ਇਮਾਨਦਾਰੀ ਅਤੇ ਜ਼ਿੰਮੇਵਾਰੀ ਦੀ ਮਿਸਾਲ ਪੇਸ਼ ਕਰਦਿਆਂ ₹2.5 ਲੱਖ ਰੁਪਏ ਦੀ ਗੁੰਮ ਹੋਈ ਨਕਦੀ ਉਸਦੇ ਅਸਲ ਮਾਲਕ ਨੂੰ ਵਾਪਸ ਸੌਂਪੀ ਗਈ।

ਪੁਲਿਸ ਦੇ ਮੁਤਾਬਕ, ਥਾਣਾ ਰਣਜੀਤ ਐਵਨਿਊ ਦੀ ਟੀਮ ਨੂੰ ਇਹ ਨਕਦੀ ਮਿਲਣ ‘ਤੇ ਤੁਰੰਤ ਮਾਲਕ ਦੀ ਪਛਾਣ ਕਰਨ ਲਈ ਕਦਮ ਚੁੱਕੇ ਗਏ। ਪੁਲਿਸ ਵੱਲੋਂ ਤਕਨੀਕੀ ਅਤੇ ਮੈਨੁਅਲ ਤਰੀਕਿਆਂ ਰਾਹੀਂ ਖੋਜ ਕਰਨ ਤੋਂ ਬਾਅਦ ਅਸਲ ਮਾਲਕ ਨਾਲ ਸੰਪਰਕ ਕੀਤਾ ਗਿਆ ਅਤੇ ਪੁਸ਼ਟੀ ਉਪਰੰਤ ਰਕਮ ਉਸਦੇ ਹਵਾਲੇ ਕਰ ਦਿੱਤੀ ਗਈ।

ਪੁਲਿਸ ਅਧਿਕਾਰੀਆਂ ਨੇ ਕਿਹਾ ਕਿ ਇਹ ਘਟਨਾ ਪੁਲਿਸ ਦੀ ਇਮਾਨਦਾਰੀ, ਜਨ ਸੇਵਾ ਤੇ ਜ਼ਿੰਮੇਵਾਰੀ ਪ੍ਰਤੀ ਸਮਰਪਣ ਦਾ ਜੀਤਾ-ਜਾਗਦਾ ਉਦਾਹਰਣ ਹੈ। ਉਨ੍ਹਾਂ ਨੇ ਨਾਗਰਿਕਾਂ ਨੂੰ ਅਪੀਲ ਕੀਤੀ ਕਿ ਕਿਸੇ ਵੀ ਗੁੰਮਸ਼ੁਦਾ ਚੀਜ਼ ਜਾਂ ਸ਼ੱਕੀ ਗਤੀਵਿਧੀ ਬਾਰੇ ਤੁਰੰਤ ਪੁਲਿਸ ਨੂੰ ਸੂਚਿਤ ਕਰਨ, ਤਾਂ ਜੋ ਸਮਾਜ ਵਿੱਚ ਕਾਨੂੰਨ-ਵਿਵਸਥਾ ਬਣਾਈ ਰੱਖੀ ਜਾ ਸਕੇ।