ਥਾਣਾ ਕੰਟੋਨਮੈਂਟ ਦੀ ਪੁਲਿਸ ਚੌਕੀ ਰਾਣੀ ਕਾ ਬਾਗ ਵੱਲੋਂ ਇੱਕ ਲੜਕੀ ਪਾਸੋਂ ਮੋਬਾਇਲ ਫੋਨ ਖੋਹ ਕਰਨ ਵਾਲੇ 02 ਕਾਬੂ
ਅੰਮ੍ਰਿਤਸਰ, 11 ਅਪ੍ਰੈਲ 2025 (ਸੁਖਬੀਰ ਸਿੰਘ, ਅਭਿਨੰਦਨ ਸਿੰਘ)
ਇੰਸਪੈਕਟਰ ਅਮਨਦੀਪ ਕੌਰ, ਮੁੱਖ ਅਫ਼ਸਰ ਥਾਣਾ ਕੰਟੋਨਮੈਂਟ,ਅੰਮ੍ਰਿਤਸਰ ਦੀ ਪੁਲਿਸ ਪਾਰਟੀ ਏ.ਐਸ.ਆਈ ਜੰਗ ਬਹਾਦਰ, ਇੰਚਾਂਰਜ਼ ਪੁਲਿਸ ਚੌਕੀ ਰਾਣੀ ਕਾ ਬਾਗ, ਅੰਮ੍ਰਿਤਸਰ ਸਮੇਤ ਸਾਥੀ ਕਰਮਚਾਰੀਆਂ ਵੱਲੋਂ ਸਨੈਚਿੰਗ ਦਾ ਮੁਕੱਦਮਾਂ ਟਰੇਸ ਕਰਕੇ 02 ਵਿਅਕਤੀਆਂ ਨੂੰ ਸਮੇਤ ਵਾਰਦਾਤ ਸਮੇਂ ਵਰਤਿਆ ਮੋਟਰਸਾਈਕਲ ਬ੍ਰਾਮਦ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ।
ਇਹ ਮੁਕੱਦਮਾਂ ਕਾਜ਼ਲ ਵਾਸੀ ਜੰਮੂ ਵੱਲੋਂ ਦਰਜ਼ ਰਜਿਸਟਰ ਕਰਵਾਇਆ ਗਿਆ ਕਿ ਉਹ, ਈ-ਰਿਕਸ਼ਾ ਤੇ ਸਵਾਰ ਹੋ ਕੇ ਹਸਪਤਾਲ ਆ ਰਹੀ ਸੀ ਤਾਂ ਰਾਣੀ ਕਾ ਬਾਗ ਨਦਜ਼ੀਕ ਪੁੱਜ਼ੀ ਤਾਂ ਮੋਟਰਸਾਈਕਲ ਤੇ 03 ਵਿਅਕਤੀ ਆਏ ਤੇ ਉਸਦਾ ਮੋਬਾਇਲ IPhone 13 ਝਪਟਮਾਰ ਕੇ ਖੋਹ ਕੇ ਭੱਜ ਗਏ। ਜਿਸਤੇ ਮੁਕੱਦਮਾਂ ਦਰਜ਼ ਰਜਿਸਟਰ ਕੀਤਾ ਗਿਆ।
ਪੁਲਿਸ ਪਾਰਟੀ ਵੱਲੋਂ ਮੁਕੱਦਮਾਂ ਦੀ ਜਾਂਚ ਹਰ ਪਹਿਲੂ ਤੋਂ ਕਰਨ ਤੇ ਲੜਕੀ ਕਾਜ਼ਲ ਕੋਲੋ ਮੋਬਾਇਲ ਫੋਨ ਝਪਟਾਰ ਕੇ ਖੋਹ ਕਰਨ ਵਾਲੇ ਰੋਹਿਤ ਉਰਫ ਚੂਹੀ ਪੁੱਤਰ ਬਲਵਿੰਦਰ ਸਿੰਘ ਵਾਸੀ ਮੋਟੇ ਆਰੇ ਵਾਲੇ ਵਾਲੀ ਗਲੀ ਘਨੂਪੁਰ ਅੰਮ੍ਰਿਤਸਰ ਅਤੇ ਦੀਪਕ ਉਰਫ ਚਿੰਪੂ ਪੁੱਤਰ ਜਸਵੰਤ ਸਿੰਘ ਵਾਸੀ ਨਜਦੀਕ ਬੋਬੀ ਕਰਿਆਨਾ ਵਾਲਾ ਕੇਸਰ ਵਾਲਾ ਚੋਕ ਘੰਨੂਪੁਰ ਛੇਹਰਟਾ ਅੰਮ੍ਰਿਤਸਰ ਨੂੰ ਗ੍ਰਿਫਤਾਰ ਕਰ ਕੇ ਵਾਰਦਾਤ ਵਿੱਚ ਵਰਤਿਆ ਮੋਟਰਸਾਈਕਲ ਸਪਲੈਂਡਰ ਰੰਗ ਕਾਲਾ ਨੰਬਰੀ PBO2-EF-2116 ਬ੍ਰਾਮਦ ਕੀਤਾ ਗਿਆ । ਇਹਨਾਂ ਦੇ ਤੀਸਰੇ ਸਾਥੀ ਦੀ ਭਾਲ ਜਾਰੀ ਹੈ। ਜਿਸਨੂੰ ਜਲਦ ਕਾਬੂ ਕਰਕੇ ਖੋਹਸੁਦਾ ਮੋਬਾਇਲ ਫੋਨ ਬ੍ਰਾਮਦ ਕੀਤਾ ਜਾਵੇਗਾ।
